Encouraging thoughts 🔹 ശൗലിന്റെ അക്ഷമയിൽ നിന്നും ചില ഉൾക്കാഴ്ചകൾ

✨

I ശമൂവേൽ 13: 8-13

vs8 ശമുവേൽ നിശ്ചയിച്ചിരുന്ന അവധി അനുസരിച്ച് അവൻ ഏഴു ദിവസം കാത്തിരുന്നു എങ്കിലും ശമുവേൽ ഗാലിൽ എത്തിയില്ല: ജനവും അവനെ വിട്ടു ചിതറിപ്പോയി.

vs9 അപ്പോൾ ശൗൽ: ഹോമയാഗവും സമാധാനയാഗവും ഇവിടെ എന്റെ അടുക്കൽ കൊണ്ടുവരുവിൻ എന്ന് കൽപ്പിച്ചു: അവൻ തന്നെ ഹോമയാഗം കഴിച്ചു.

vs10 ഹോമയാഗം കഴിച്ചു തീർന്ന ഉടനെ ഇതാ, ശമുവേൽ വരുന്നു: ശൗൽ അവനെ വന്ദനം ചെയ്യുവാൻ എതിരേറ്റുചെന്നു.

vs11 നീ ചെയ്തത് എന്ത് എന്നും ശമുവേൽ ചോദിച്ചു. അതിന് ശൗൽ: ജനം എന്നെ വിട്ടു ചിതറുന്നു എന്നും നിശ്ചയിച്ച അവധിക്കു നീ എത്തിയില്ല എന്നും ഫെലിസ്ത്യർ മിക്മാസിൽ കൂടിയിരിക്കുന്നു എന്നും ഞാൻ കണ്ടിട്ട്:

vs12 ഫെലിസ്ത്യർ ഇപ്പോൾ ഇങ്ങു ഗിൽഗാലിൽ വന്ന് എന്നെ ആക്രമിക്കും ഞാൻ യഹോവയോട് കൃപയ്ക്കായി അപേക്ഷിച്ചതുമില്ലല്ലോ എന്നുവെച്ച് ഞാൻ ധൈര്യപ്പെട്ടു ഹോമ യാഗം കഴിച്ചു പോയി എന്നു പറഞ്ഞു.

vs13 ശമുവേൽ ശൗലിനോട് പറഞ്ഞത്: നീ ചെയ്തത് ഭോഷത്വം: നിന്റെ ദൈവമായ യഹോവ നിന്നോട് കൽപ്പിച്ച കൽപ്പന നീ പ്രമാണിച്ചില്ല: യഹോവ യിസ്രായേലിന്മേൽ നിന്റെ രാജ്യത്വം എന്നേക്കുമായി സ്ഥിരമാക്കുമായിരുന്നു.

ക്ഷമയുടെ പ്രാധാന്യത്തെക്കുറിച്ച് പ്രതിപാദിക്കുന്ന അനേകം സംഭവങ്ങൾ നമുക്ക് ബൈബിളിൽ നിന്നും കാണാൻ സാധിക്കും. അബ്രഹാമും മോശെയും ദാവീദും ഇയ്യോബും ക്ഷമയോടെ കാത്തിരുന്നെങ്കിൽ സാറയുടെയും ഉസ്സീയാവിന്റെയും ജീവിതത്തിൽ നിന്ന് അക്ഷമയാൽ ഉളവായ ആപത്തുകൾ നമുക്ക് വായിച്ചെടുക്കാൻ സാധിക്കും.

മുകളിൽ തന്നിരിക്കുന്ന ഖണ്ഡികയിൽ നിന്നും നമുക്ക് ശൗലിന്റെ ജീവിതത്തിലുണ്ടായ അക്ഷമയും അത് മൂലം ഉണ്ടായ പ്രത്യാഘാതങ്ങളും കാണാൻ സാധിക്കുന്നു. ശമുവേൽ ഗില്ഗാലിൽ എത്തുവാൻ താമസിക്കുന്നു എന്ന് മനസ്സിലായപ്പോൾ ക്ഷമയോടെ കാത്തിരിക്കേണ്ടതിന് പകരം ശൗൽ ഹോമയാഗം അർപ്പിക്കുവാൻ ഇടയായിത്തീർന്നു.

ഈ തീരുമാനത്തിലേക്ക് എത്തുവാൻ ശൗലിനെ പ്രേരിപ്പിച്ചത് എന്താണ്?

* ശ്രദ്ധ കേന്ദ്രീകരിക്കുന്നതിൽ വന്ന വ്യതിയാനം

തന്റെ ജനം ചിതറിപ്പോകുന്നു എന്ന് കണ്ടപ്പോൾ ശൗലിന്റെ ശ്രദ്ധ വ്യതിചലിക്കുവാൻ ഇടയായി. ദൈവത്തിൽ ആശ്രയിക്കേണ്ടതിനു പകരം അവൻ തന്റെ ശക്തിയിലും അധികാരത്തിലും ആശ്രയിച്ചു.

പത്രോസിനെ പോലെ നമ്മുടെ ശ്രദ്ധ യേശുക്രിസ്തുവിൽ നിന്ന് മാറി നമ്മുടെ ജീവിതത്തിൽ വരുന്ന പ്രതികൂലങ്ങളിലേക്കും കൊടുങ്കാറ്റുകളിലേക്കും ആയാൽ നാമ്മും മുങ്ങിപ്പോകുവാൻ ഇടയായിത്തീരും. ഇത് ഒഴിവാക്കുവാൻ നമ്മുടെ ശ്രദ്ധ യേശുക്രിസ്തുവിൽ മാത്രം കേന്ദ്രീകരിച്ച് അവിടുന്നിൽ മാത്രം ആശ്രയിക്കാം.

* ഭയം

ഫെലിസ്ത്യർ മിക്മാസിൽ കൂടുവാൻ തുടങ്ങിയപ്പോൾ ശൗൽ ഭയന്നു. അവർ തനിക്കെതിരെ വരുമെന്ന് ശൗൽ പേടിച്ചു.

നമ്മുടെ വിശ്വാസം പതറുമ്പോൾ ചിന്താകുലവും സംശയവും നമ്മെ കടന്നു പിടിക്കാൻ ഇടയായി തീരും. ദൈവത്തിൽ പതറാതെ ആശ്രയം അർപ്പിച്ചാൽ നമ്മുടെ ഭയങ്ങൾ പമ്പകടക്കും. ദൈവം മാത്രമായിരിക്കണം നമ്മുടെ ഭയം. അത് അവിടുന്നിന്റെ കൽപ്പനകളെ അനുസരിക്കുവാൻ നമ്മെ പ്രാപ്തരാക്കും.

അടുത്തത് എന്ത് സംഭവിച്ചു?

* മറ്റുള്ളവരെ കുറ്റപ്പെടുത്തുന്നു

ശമുവേൽ വൈകിയതാണ് തന്റെ അക്ഷമയുടെ കാരണമെന്ന് ശൗൽ കുറ്റപ്പെടുത്തുന്നു. അക്ഷമ പലപ്പോഴും നമ്മുടെ തെറ്റുകൾ മനസ്സിലാക്കേണ്ടതിനു പകരം മറ്റുള്ളവരെ കുറ്റപ്പെടുത്തില്ലേക്കു നമ്മെ നയിക്കുന്നു.

* ഒഴിവ്കഴിവുകൾ നൽകുന്നു

ശൗലിന്റെ ലക്ഷ്യം ദൈവപ്രസാദം നേടുക എന്നതായിരുന്നു. എന്നാൽ അവന്റെ പ്രവർത്തികൾ അവനെ തെറ്റിലേക്ക് നയിച്ചു. ശമുവേലിനെ സംബന്ധിച്ച് അതൊരു ഭോഷത്തമായ പ്രവർത്തിയായിരുന്നു. ഈ കാര്യം നമുക്ക് സാറയുടെ ജീവിതത്തിലും കാണാൻ സാധിക്കും.

ആയതിനാൽ നാം ശ്രദ്ധയുള്ളവർ ആയിരിക്കണം. നമ്മുടെ ഉദ്ദേശ്യങ്ങൾ ഒരുപക്ഷേ എങ്കിൽ നമ്മുടെ കണ്ണിന് ചൊവ്വായിരിക്കാം. എന്നാൽ അവ ദൈവഹിതത്തിന് അനുയോജ്യമായതാണോ എന്ന് നാം ഉറപ്പുവരുത്തേണ്ടിയിരിക്കുന്നു.

* പരിണിതഫലങ്ങൾ അഭിമുഖീകരിക്കേണ്ടി വരുന്നു

രാജസ്ഥാനത്തിൽനിന്ന് ഭ്രഷ്ടൻനായത് ഉൾപ്പെടെയുള്ള അനേകം പരിണിതഫലങ്ങൾ ശൗൽ അനുഭവിക്കേണ്ടിവരുന്നു.

ഒരു സംക്ഷിപ്ത വീക്ഷണം:

💠 ദൈവത്തിൽ ശ്രദ്ധ കേന്ദ്രീകരിക്കുക: ജീവിതത്തിന്റെ വെല്ലുവിളികളുടെ നടുവിൽ നാം ക്രിസ്തുവിൽ ശ്രദ്ധ കേന്ദ്രീകരിക്കുന്നവർ ആയിരിക്കണം.

💠 ഭയപ്പെടാതെ ദൈവാശ്രയം ഉള്ളവർ ആയിരിക്കുക :

ദൈവാശ്രയം നമ്മെ ഭയങ്ങളെയും സംശയങ്ങളെയും അതിജീവിക്കുവാൻ സഹായിക്കുന്നു, മാത്രമല്ല ദൈവീക പ്രമാണങ്ങളെ മടികൂടാതെ അനുസരിക്കുവാനും നമ്മെ പ്രാപ്തരാക്കുന്നു.

💠 ഉത്തരവാദിത്തങ്ങൾ ഏറ്റെടുക്കുക:

നമ്മുടെ പ്രവർത്തികളിൻ മേലുള്ള ഉത്തരവാദിത്വം നാം ഏറ്റെടുക്കേണ്ടതുണ്ട്, മാത്രമല്ല നമ്മുടെ ഉദ്ദേശ്യങ്ങൾ ദൈവഹിതത്തിന് അനുസൃതമായതാണോ എന്ന് ഉറപ്പുവരുത്തണം. അതിലൂടെ ഒഴിവു കഴിവുകൾ നൽകുന്നതിനെ നമുക്ക് ഒഴിവാക്കാം.

📖ഈ ദിനത്തെ വേദഭാഗം📖

സങ്കീർത്തനങ്ങൾ 37:7

യഹോവയുടെ മുമ്പാകെ മിണ്ടാതെ ഇരുന്ന് അവനായി പ്രത്യാശിക്കുക: കാര്യസാധ്യം പ്രാപിക്കുന്നവനെയും ദുരുപായം പ്രയോഗിക്കുന്നവനെയും കുറിച്ച് നീ മുഷിയരുത്.

🙏🏻🙏🏻🙏🏻🙏🏻🙏🏻🙏🏻🙏🏻

AUTHOR ✍✍✍✍✍✍✍✍✍✍✍✍✍✍✍✍✍✍

Sister Shincy Susan

Translation

Sister Acsah Nelson